TƏLƏBƏ ELMİ CƏMİYYƏTİ

Çap

Ümumi məlumat:

Azərbaycan Müəllimlər İnstitutunun Şəki filialının Tələbə Elmi Cəmiyyətinin işi AMİ-nin Elmi Şurasının 24 oktyabr 2014-cü il tarixli iclasının qərarı ilə təsdiq edilmiş “Əsasnamə”yə uyğun olaraq təşkil edilir. Hər tədris ilinin oktyabr ayında keçirilən TEC –in konfransında TEC-in şurasının tərkibi yeniləşdirilir. 14 oktyabr 2016-cı il tarixdə keçirilmiş hesabat- seçki konfransında seçilmiş yeni tərkibi

1.Feyzullayeva Səadət Teyfuq qızı-b/m.,TEC-in sədri
2.Gültac Abbaslı İmran qızı - Azərbaycan dili və ədəbiyyatı müəlimliyi ix. III kurs tələbə sədr müavini
3.Səmədova Arzu Elçin q.- Riyaziyyat informatika müəllimliyi III kurs tələbəsi-üzv
4.Xəlilova Xanım İslam q.- Tarix-coğrafiya müəllimliyi ixtisasının I kurs tələbəsi-üzv
5.Xəlilova Günay Rövşən q.- Təhsildə sosial-psixoloji xidmət ixtisasını I kurs tələbəsi-üzv
6.Əlimova Nüşabə Kamil q.- Azərbaycan dili və ədəbiyyatı müəlimliyi ix.I kurs tələbəsi-üzv
7.İdrisova Səbunə Rəfael q. – Məktəbəqədər təhsil və təlim ix. I kurs tələbəsi-üzv
8.Əliyeva Zenfira Fərman q.- Riyaziyyat informatika müəllimliyi III kurs tələbəsi-üzv
9.Nemətli Aygül Elşən q.- Riyaziyyat informatika müəllimliyi III kurs tələbəsi-üzv
10.Abdullayeva Aytac Sənan q-İbtidai təhsilin pedaqogikası və metodikası ixtisası I kurs, üzv
11.Abbaslı Nadir Nazim o.- Riyaziyyat informatika müəllimliyi III kurs tələbəsi-üzv
12.Fərhadzadə Nail Mais o.- Xarici dil ( fransız) müəlimliyi ix. I kurs tələb.-üzv
13.Muradlı Nütfullah Rövşən oğlu -Xarici dil (fransız) müəllimliyi ixti. I kurs tələbəsi-üzv
14.Lətifova Aytac Vəfa q.-Xarici dil müəllimliyi ixtisasının III kurs tələbəsi-üzv
15.Camalova Günel Cumay q.- Riyaziyyat informatika müəllimliyi III kurs tələbəsi-üzv
16.Quliyeva Lamiyə Vaqif q.- Xarici dil (İngilis dili) müəllimliyi-I kurs-üzv
17.Baloğlanlı Nərgiz Elçin qızı Təhsildə sosial -psixoloji xidmət ixtisası-II kurs-üzv
18.Abbasova Fidan Qalib qızı.- İbtidai təhsilin pedaqogikası və metodikası ixtisası - I kurs

FƏALİYYƏTİ:

Tələbə Elmi Cəmiyyətinin filialda kafedralar və qruplar üzrə nümayəndələri fəaliyyət göstərir. Filial üzrə TEC-in fəaliyyətinə “Təbiət elmləri və tədrisi metodikası” kafedrasının baş müəllimi,S.T.Feyzullayeva rəhbərlik edir. Hər tədris ilinin əvvəlində filialda TEC-in konfransı keçirilir, onun illik fəaliyyəti müzakirə olunur, təhsili başa vuraraq tərkibdən getmiş tələbələrin yerinə yeniləri seçilir. Tələbə Elmi Cəmiyyətinin məqsədi istedadlı və üstün qabiliyyətli, elmi-tədqiqat işlərinə marağı olan tələbə-gəncləri aşkara çıxarmaqdan, ölkənin iqtisadi və mədəni həyatının aktual problemlərinin həllində onların yaradıcı potensialından istifadə etmək və tədqiqatçılıq bacarıqları aşılamaqdan ibarətdir. Tələbə Elmi Cəmiyyəti seçkili müstəqil qurumdur. O, filialda Tələbə Elmi Konfransları təşkil edir, tarixi və bayram günlərində, yubileylərin keçirilməsində təşəbbüslə çıxış edir. Hər dərs ilinin əvvəlində istedadlı və qabiliyyətli tələbələr kafedralar vasitəsilə elmi tədqiqat işlərinə istiqamətləndirilir. Hər tədris ilinin aprel ayında filialda Ümuminstitut Tələbə Elmi Konfransı keçirilir. Konfranslara hazırlıq məqsədi ilə dərs ilinin əvvəlində tələbələrə kafedralar xətti ilə mövzular verilir, rəhbər təyin olunur, təşkilat komitəsi yaradılır. Konfransın proqramı hazırlanır. Konfrans plenar və bölmə iclasları şəklində iki gün davam edir. Bölmə rəhbərləri tələbə elmi tədqiqat işlərini dinləyir, çıxışları protokallaşdırır və filialın rəhbərlərinə təqdimat verir. Yekun konfransda ən yaxşı tələbə elmi-tədqiqat işləri diplom, pul mükafatı və fəxri fərmanlarla mükafatlandırılır. Filialın tələbələri Baza İnstitutu olan AMİ-də və respublika ali məktəbləri tələbələrinin hər il keçirilən Elmi Konfranslarda iştirak edirlər. Hər tədris ilinin aprel ayında filialda tələbələrin il ərzində apardıqları elmi –tədqiqat işlərinə yekun vurulur və bu məqsədlə ümumfilial Tələbə Elmi Konfransı keçirilir. 2015-2016-cı tədris ilinin may ayının 3-4 də filialda tələbə elmi tədqiqat işlərinin illik yekunlarına həsr olunmuş X Tələbə Elmi Konfransı keçirilmiş 57 nəfər tələbənin elmi tədqiqat işi plenar və bölmə iclaslarında müzakirə edilmişdir. Ən yaxşı tələbə elmi tədqiqat işinin müəllifi olan 9 tələbə I dərəcəli diplomla təltif edilmişdir. Tələbələrimizdən 7 nəfəri 2016-cı ilin noyabr ayında ADPU-da keçiriləcək tələbə elmi konfransında iştirak etmək üçün öz tezislərini təqdim etmişlər.